Бабасы рухы да бик шаттыр

автор, 12 апрель 2021 - 22:06

1323

Узган якшәмбедә Арча Үзәк мәчетендә балалар арасында Коръән уку бәйгесе узды. Мәктәпкәчә яшьтәге балалар арасында энем Ильяс, яттан иң күп сүрә өйрәнеп җиңү яулады. Аның уңышларына барыбыз да бик сөендек.

Куп еллар буе бабам да авылыбызның имамы булып торды. Мондый оныкчыклар булганда анын рухы да, иншАллаһ, шат булыр!

Энемнең җиңүенә рухланып, күңелемдә шигырь юллары да туды.

Арча Үзәк мәчетендә
Үтте Коръән бәйгесе.
Энем дә катнашты анда
Алып барды әбисе.
Кечкенәләр арасында
Алды беренче урын.
Иң яше булса да Ильяс
Уздырды ул барысын.
Бик шатландым энем өчен
Нинди булган ул безнең.
Үзе матур, үзе шаян,
Үзе житез ул безнең!
СөбханАллаһ! - дип тә куям,
Куз тимәсен энемә.
Бик якты истәлек булып
Кереп калсын күңеленә.
Өйрәнер әле сүрәләр
Әле тагын бик күпне.
Туры булсын аның юлы
Бирсен Ходай гомерне.