Арск-Информ
  • Рус Тат
  • Татарстан хакимиятенә вакцинация темпларын арттырган өчен рәхмәт белдерделәр

    Федераль оператив штаб мәгълүматларына караганда, 43 миллион россияле Covid-19дан тулысынча вакцина алган.

    (Казан, 12 октябрь, «Татар-информ»). Россия Сәламәтлек саклау министры Михаил Мурашко узган атнада коронавируска каршы вакцинация темпларын арттырган өчен Татарстан Республикасы һәм башка төбәк җитәкчеләренә рәхмәт белдерде. Бу хакта РИА Новости хәбәр итә.

    «Соңгы атнада вакциналаштыру темпларын арттырган Брянск, Липецк өлкәләре, Чечня Республикасы, Севастополь, Иваново, Чувашия һәм Татарстан төбәкләренә рәхмәт белдерәсем килә. Бу төбәкләр үзгәреп торган вазгыятькә бик тиз игътибар биреп, халыкны вакцинацияләүдә яңа чаралар комплексын кертә башладылар», - диде министр коронавирус инфекциясе таралуга каршы көрәш буенча координация советы утырышында.

    Мурашко шулай ук халыкны вакцинацияләү дәрәҗәсе төбәк җитәкчеләре тарафыннан билгеле бер чикләү чаралары кертелгәннән соң артканлыгын билгеләп үтте.

    Реклама

    Россиядә актив прививка ясау кампаниясе дәвам итә. Федераль оператив штаб мәгълүматларына караганда, 43 миллион россияле Covid-19дан тулысынча вакцина алган.

    Элегрәк РФ Президенты Владимир Путин вакцинациянең мөһимлеген берничә тапкыр искәртте һәм коронавирустан илебездәге вакциналарның куркынычсызлыгын һәм нәтиҗәлелеген билгеләп үтте.

     https://tatar-inform.tatar/news/society/12-10-2021/tatarstan-hakimiyaten-vaktsinatsiya-templaryn-arttyrgan-chen-r-hm-t-belderdel-r-5840959

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: