Айсылу Габдиновадан тутырма рецепты

«Бу рецепт әниемнеке. Кичә ул мине искиткеч тутырма белән сыйлады, телне йотарлык! Сезнең белән дә бүлешәбез, ясап карагыз әле», — дип яза ул үзенең Instagram аккаунтында. 

Кирәкле ингредиентлар:

юан сыер эчәгесе,

майлы сыер яки ат ите - 1 кг тирәсе, 

башлы суган - 3-4 баш,

дөге - ярты стакан,

бәрәңге - 4-5 штук,

шулпа яки су - 1 стакан,

тоз, кара борыч.

• Ит, бәрәңге, суганны вак итеп турыйбыз, юылган дөге, тоз, борыч салып болгатабыз;
• Яхшылап юылган эчәккә (тишелгән була күрмәсен) шушы массаны салабыз, шулпа (яки су) өстибез. Бик тыгызламыйча тутырабыз (3/2 өлеш тирәсе булырга тиеш);
• Җеп белән яхшылап башын бәйлибез;
• Суга тоз салып, кайнатырга куярга, кайнап чыккач 1сәг 40 минут пешерергә;
• 45 минут кайнагач, энә белән берничә урыннан тишәргә.

Пешеп чыккач, бераз суытып, кисеп, табынга куярга. Телеңне йотарлык тәмле була. 

https://instagram.com/aisylu_gabdinova?igshid=1uvs5u6rrkhbu