Арск-Информ
  • Рус Тат
  • 1 октябрьдән хезмәт хакы арта

    1 октябрьдән күп кенә һөнәр ияләренең хезмәт хакы артачак.

    Шул ук вакытта бу артуның үзенчәлекләре дә булачак. Хезмәт хакы кемнәрнеке иң күпкә үсәчәк соң?

    “Май указлары”нда билгеләп үтелмәгән бюджет оешмалары хезмәткәрләренә кагыла бу. Гадәттә, көзен хезмәт хакы инфляциягә бәйле рәвештә үсә. Ә бу юлы төбәкләрдә өстәмә түләүләр турында игълан ителгән. Кайбер субъектларда бюджет оешмаларында аз хезмәт хакы алып эшләүчеләргә берьюлы 20 процент өстәләчәк.

    “Май указлары”нда билгеләп үтелгән бюджет оешмалары хезмәткәрләренең – педагог һәм табибларның хезмәт хакы исә 1 гыйнвардан индексацияләнә. Белгечләр әйтүенчә, быел индексация чама белән 4 процент тәшкил итәргә мөмкин. Шул ук вакытта федераль дәрәҗәдәге дәүләт хезмәткәрләренең – судьялар, сенаторлар һәм Дәүләт Думасы депутатларының эш хакын индексацияләүне әлегә туктатып тору турында закон кабул ителгән.

    Ә төбәкләрдә дәүләт хезмәткәрләренең эш хакын индексацияләү Россия субъектының тиешле елга бюджеты турында төбәк законы нигезендә башкарылачак.

    Реклама

    Белгечләр аңлатканча, хезмәт хакына өстәмәне һәр төбәк мөстәкыйль рәвештә үзенчә түләүгә хокуклы. Аны федераль дәрәҗәдә билгеләнгән нормадан кимрәк дәрәҗәдә түләргә ярамый, ә күбрәк – ярый.

    Тагын шунысы да бар икән әле: көзен төбәкләрдә билгеле бер һөнәр ияләренә бер тапкыр акча бирү күздә тотылган. Әйтик, Иваново өлкәсендә укытучылар һәм тәрбиячеләргә – 10ар мең сум, Тверь өлкәсендә укытучыларга – 10ар мең, мәгариф өлкәсендә эшләүче башка хезмәткәрләргә – 5әр мең сум түләнеләчәк.

     

    Тулырак: http://zamansulyshy.ru/news/yanaliklar/1-oktyabrdn-khezmt-khaky-arta-kemnrg-m-kpme

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: